Mozambikdə vəbadan 32 nəfər öldü
Mozambikdə 2025-ci ilin sentyabr ayından başlayan epidemiyadan bəri 2 650 vəbaya yoluxma halı qeydə alınıb, bunlardan 32-si ölümlə nəticələnib.
TodayPress TV xəbər verir ki, bu barədə "Lusa" məlumat yayıb.
Məlumata görə, epidemiyadan ən çox zərər çəkən əyalətlərdən olan Nampulada 17 ölüm və 1 314 yoluxma qeydə alınıb. Tetedə 13 ölüm və 932 yoluxma, Kabu-Delqaduda isə 2 ölüm və 404 yoluxma faktı olub.
Qeyd edək ki, Mozambikdə əvvəlki vəba epidemiyası (2024-cü ilin oktyabr - 2025-ci ilin iyul ayları) 64 nəfərin ölümünə səbəb olub, 4 420 nəfər xəstəliyə yoluxub.
