Moskva metrosunun Qırmızı xəttində texniki nasazlıq səbəbindən qatarların hərəkəti dayandırılıb.
TodayPress TV "Moskva Xəbər Agentliyi"nə istinadən xəbər verir ki, səhər saatlarında Moskva metrosunda baş verən texniki nasazlıq səbəbindən şəhərin ən işlək xətlərindən birində qatarların hərəkəti qismən dayandırılıb.
Məlumata görə, Moskva Nəqliyyat Departamenti Sokolniçeskaya xəttinin (Qırmızı xətt) Sokolniki və Park Kulturi stansiyaları arasındakı mərkəzi hissəsində hərəkəti dayandırıb.
Rəsmilər tıxacda qalan sərnişinləri avtobus, tramvay və ya digər metro xətləri vasitəsilə alternativ marşrutlardan istifadə etməyə çağırıblar.
Moskva Metropoliteni rəis müavini Yuliya Temnikova qatarın relsdən çıxması ilə bağlı mediada yayılan məlumatları təkzib edib. O, çərşənbə axşamı baş verən hadisənin qatar vaqonunun təkərləri ilə bağlı “texniki nasazlıq” olduğunu bildirib.
Bildirilib ki, bütün sərnişinlərin xəsarət almadan təhlükəsiz şəkildə təxliyə edildiyini bildiriblər. Bununla belə, bəzi yerli media orqanları tuneldən xaos şəraitində təxliyə edildikdən sonra yaşlı bir kişinin sınıq xəsarətləri ilə xəstəxanaya yerləşdirildiyini yazıb.
Qeyd edilib ki, yerli vaxtla günorta saatlarında Qırmızı xəttin şimal-şərq hissəsində xidmət qismən bərpa olunub. Lakin təmir briqadaları xəttin tam bərpası üçün mərkəzi stansiyalarda işlərini davam etdirirlər.
Jalə Rövşən
TodayPress TV
