Moskva və Kiyev arasında növbəti cəsəd mübadiləsi baş tutdu
Rusiya və Ukrayna İstanbul razılaşmaları çərçivəsində həlak olan hərbçilərin cəsədlərinin növbəti mübadiləsini həyata keçiriblər.
TodayPress TV xəbər verir ki, bu barədə Rusiya prezidentinin köməkçisi Vladimir Medinski özünün “Telegram” kanalında məlumat verib.
Onun sözlərinə görə, Ukrayna tərəfinə 1000, Rusiya tərəfinə isə 38 hərbçinin cəsədi təhvil verilib.
Xatırladaq ki, tərəflər arasında əvvəlki mübadilə noyabrın 20-də baş tutub. Həmin vaxt İstanbul razılaşmaları çərçivəsində Ukraynaya 1000, Rusiyaya isə 30 əsgərin cəsədi təhvil verilib.
Aysel Mətləb
