KİV: İsrail İranın ali liderinin təyyarəsini vurub

İsrail ordusu Tehranda İranın ali liderinin təyyarəsini məhv edib.

TodayPress TV xəbər verir ki, bu barədə İsrail ordusu məlumat yayıb.

Məlumata görə, zərbə İsrail Hərbi Hava Qüvvələri tərəfindən həyata keçirilib və hədəf hökumət təyyarəsi olub.

İsrail tərəfi iddia edir ki, həmin təyyarədən İranın keçmiş Ali Lideri Ayətullah Əli Xamenei və digər yüksək vəzifəli rəsmilər istifadə edirdi.

Bildirilib ki, son günlər İsrail ordusu Mehrabad hava limanına ən azı dörd dəfə zərbə endirib. Hücumlar zamanı radar sistemləri, hava hücumundan müdafiə vasitələri, hərbi təyyarələr və hərbi nəqliyyat təyyarələri hədəf alınıb.

Hadisə ilə bağlı İran tərəfindən rəsmi açıqlama verilməyib.

Türkan İsgəndərli