Kim Çen In Şimali Koreyanı "dəyişdirəcəyinə" söz verdi
Şimali Koreya lideri Kim Çen In ölkənin 20 bölgəsində yeni tibb müəssisələri, əyləncə kompleksləri və sənaye müəssisələri tikərək ölkəni dəyişdirəcəyini vəd edib.
TodayPress TV xəbər verir ki, bu barədə “KCNA” dövlət xəbər agentliyi məlumat yayıb.
Məlumata görə, Kim Çen In Şimali Koreyanın cənub-qərbindəki Hvanxe əyalətində tikinti layihəsinə başlayıb. O vurğulayıb ki, ölkə üzrə şəhər və rayonların təxminən üçdə biri dəyişdiriləcək.
Dövlət mediasının yayımladığı görüntülərdə siyasətçinin digər rəsmilərlə birlikdə torpaq qazdığı, alqışlayan izdihamın isə Şimali Koreya bayraqlarını dalğalandırdığı görünür.
Qeyd edək ki, hakimiyyət orqanları Koreya İşçi Partiyasının 9-cu qurultayına hazırlaşır.
Aysel Mətləb
