Kəskin temperatur dəyişiklikləri yeni normaya çevrilir?
Avropada ekstremal (həddindən artıq yüksək) temperaturlar "yeni reallığa" çevrilir.
TodayPress TV -nin xəbərinə görə, bu barədə "The Financial Times" Avropa İttifaqının (Aİ) Yer kürəsinin müşahidəsi üzrə "Copernicus" proqramının tədqiqatçılarının məlumatlarına istinadən məlumat verib.
Avropanın böyük hissəsində külək soyuqluğu indeksi ("hiss olunan" temperatur) may ayında 35-40°C-yə yüksəlib. Ötən ay artıq Aİ-də bir neçə milli rekord qırılıb və 2024-cü ilin may ayından sonra bütün müşahidələr tarixi ərzində ikinci ən isti temperatur olub.
İstilik Böyük Britaniya, Fransa, İrlandiya və Portuqaliyanı xüsusilə güclü vurub. İspaniyada ötən ay ərzində yüksək temperatur səbəbindən 101 nəfər ölüb. Fransa və Böyük Britaniyada daha çox insan su hövzələrində sərinləməyə çalışdığı üçün boğulma halları artıb.
Alimlər qeyd edirlər ki, bu yaz sərin havanın ekstremal istiyə çevrilməsi o qədər sürətli olub ki, nə insanlar, nə kənd təsərrüfatı, nə də ekosistemlər adaptasiya (uyğunlaşma) üçün macal tapmayıb.
Avropa ən sürətlə istiləşən qitə olaraq qalır. Buna səbəb qismən Arktikaya yaxın olmasıdır ki, əriyən buz və qar daha tünd torpağı üzə çıxarır və o da Günəş şüalarını işığını udaraq, havanı isidir.
Alimlər, həmçinin xəbərdarlıq edirlər ki, Sakit okeanın tropik hissəsində olduqca yüksək temperatur iqlim böhranını daha da dərinləşdirir və bütün dünyada ekstremal hava hadisələrini gücləndirir.
