İtaliyadan ilk təxliyə reysi İsrail hava limanına çatdı
Xarici ölkələrdə çətin vəziyyətdə qalan israillilərin təxliyəsi üçün göndərilən ilk təyyarə Tel-Əvivdə yerləşən "Ben Qurion" hava limanına eniş edib.
TodayPress TV xəbər verir ki, bu barədə İsrailin "El Al" aviaşirkəti məlumat yayıb.
Hava limanının elektron tablosunda qeyd olunub ki, reys Roma şəhərindən həyata keçirilib.
Aviaşirkətin yaydığı açıqlamaya əsasən, 70 mindən çox israilli vətəndaş təxliyə reyslərinə düşmək üçün şirkətin rəsmi saytında qeydiyyatdan keçib. "El Al" şirkəti iyunun 19-da təxliyə reyslərinin davam edəcəyini bildirib.
Töhfə Səməd
