İspaniyada yanğınlar 50 min hektar meşə sahəsini məhv etdi
İspaniyada baş verən güclü meşə yanğınları nəticəsində ölkə üzrə təxminən 50 min hektar meşə sahəsi məhv olub.
TodayPress TV xəbər verir ki, bu barədə "EFE" agentliyi məlumat yayıb.
Bildirilir ki, xüsusilə Kastiliya və Leon bölgəsində yanğınların söndürülməsi güclü külək və quru hava səbəbindən çətinləşir. Leon əyalətində 8 minə yaxın insan təhlükəsizlik məqsədilə təxliyə edilib.
Yerli mediaya görə, yanğınlar nəticəsində 3 nəfər həlak olub, 20-yə yaxın insan isə xəsarət alıb. İspaniya hakimiyyəti Avropa İttifaqından kömək istəyib və ölkəyə iki təyyarə göndəriləcəyi bildirilib.
Türkan İsgəndərli
