İspaniyada meşə yanğını: 2 nəfər öldü

Avropada davam edən isti hava şəraitinin fonunda İspaniyanın Kataloniya muxtar vilayətində geniş meşə yanğını baş verib.

TodayPress TV xəbər verir ki, Lleyda əyalətinin kəndlərində başlayan yanğın sürətlə yayılaraq 6500 hektar (təxminən 16,000 akr) ərazini məhv edib.

Kataloniya rəhbəri Salvador İlla sosial media vasitəsilə yanğında bir fermer və onun işçisinin həyatını itirdiyini təsdiqləyib. Daxili işlər naziri Nuria Parlon bildirib ki, ölənlər alovların içində fermadan qaçmağa çalışarkən tələyə düşüblər.

Yanğınsöndürmə qüvvələrinin gərgin səyləri nəticəsində yanğın nəzarət altına alınıb. Hadisə bölgəsində təhlükəsizlik tədbirləri gücləndirilib.

Türkan İsgəndərli