İran və Pakistandan daha 10 min əfqan qaçqın geri döndü
İyunun 29-da ümumilikdə 10,661 nəfərdən ibarət 2,997 əfqan ailəsi İran və Pakistandan vətənlərinə qayıdıb.
TodayPress TV xəbər verir ki, bu barədə Əfqanıstanın Qaçqınların Qayıdışı üzrə Ali Komissiyası məlumat yayıb.
Bildirilib ki, miqrantların əksəriyyəti İranla sərhəddə yerləşən Hərat əyalətindəki İslam Qala keçid məntəqəsi vasitəsilə geri dönüb. Digər geri dönüşlər Torkham (Nangarhar), Spin Boldak (Qəndəhar) və Abrisham (Nimroz) sərhəd keçid məntəqələri ilə baş tutub.
BMT-nin Qaçqınlar üzrə Ali Komissarlığının məlumatına görə, 2025-ci il ərzində bu günə qədər İran və Pakistandan 1,2 milyondan çox əfqan geri dönüb.
Qiymət Mahir
