İran ən yüksək nominallı əskinasları dövriyyəyə buraxdı
İran 10 milyon rial nominal dəyərində yeni əskinas təqdim edib və bu ölkə tarixində ən böyük əskinas hesab olunur.
TodayPress TV xəbər verir ki, bu barədə "Financial Times" məlumat yayıb.
Onun nominal dəyəri təxminən 7 ABŞ dollarına bərabərdir.
Yeni əskinasın ön tərəfində Yəzd şəhərindəki 9-cu əsrə aid Cameh məscidi, arxa tərəfində isə 2500 illik Bam qalası təsvir olunub. Əvvəllər ölkənin ən böyük əskinası fevralın əvvəlində buraxılmış 5 milyon rial əskinas idi.
Nəşr qeyd edir ki, yeni əskinas inflyasiya və nağd pula tələbatın artması fonunda təqdim edilib. Son dövrlərdə iranlılar bankomatlarda uzun növbələr yaradır, bu səbəbdən bir çox bankda nağd pul tez tükənir.
Türkan İsgəndərli
