İran ABŞ-ni hədələdi
İran ABŞ-nin dəniz blokadası davam edəcəyi təqdirdə “misli görünməmiş” hərbi tədbirlər görməyə hazır olduğunu bildirir.
TodayPress TV xəbər verir ki, bu barədə “Press TV” məlumat yayıb.
Məlumata əsasən, İran Silahlı Qüvvələri Vaşinqtonun addımlarına “cəzaverici cavab” verilməsinin vacibliyini vurğulayır. Hərbi rəhbərlik indiyədək nümayiş etdirilən təmkinin diplomatik həll imkanlarını qorumaq məqsədi daşıdığını qeyd edir.
Mənbələr bildirir ki, ABŞ tərəfindən təzyiqlər davam edərsə, Tehran artıq əvvəlki kimi ehtiyatlı davranmayacaq.
Daha əvvəl ABŞ Prezidenti Donald Tramp İranın nüvə sazişi olmadan Vaşinqtonla razılığa gələ bilməyəcəyini bəyan etmiş və Tehranın bu məsələdə daha praqmatik mövqe tutmalı olduğunu qeyd edib.
Türkan İsgəndərli
