İndoneziya "Grok"u blokladı
İndoneziya hökuməti İlon Maskın "X" sosial media platformasındakı Grok süni intellekt çatbotunu müvəqqəti olaraq bloklayıb.
TodayPress TV xəbər verir ki, bu qərar, çatbotun açıq-saçıq məzmun yaratmaq və yaymaq potensialı ilə bağlı narahatlıqlar fonunda verilib.
İndoneziyanın Rabitə və Rəqəmsal Texnologiyalar naziri Meutya Hafidh bildirib ki, hökumət razılıq olmadan deepfake cinsi məzmunun yaradılmasını və yayılmasını vətəndaşların insan hüquqları, ləyaqəti və təhlükəsizliyinə ciddi təhdid kimi qiymətləndirir. Nazirlik məsələni müzakirə etmək üçün "X" platformasının nümayəndəsini çağırıb.
Türkan İsgəndərli
