Hindistanda avtobus qəzası baş verdi: Ölənlər var
Hindistanın cənub-qərbindəki Karnataka ştatında avtobusla yük maşınının toqquşması nəticəsində ən azı doqquz nəfər ölüb.
TodayPress TV xəbər verir ki, bu barədə "News 18" telekanalı məlumat yayıb.
Bildirilib ki, “Seabird Tourist” şirkətinə məxsus avtobusda 32 nəfər olub, qəza isə milli magistral yolda qeydə alınıb. Hadisə, əks istiqamətdə hərəkət edən yük maşınının idarəetməni itirməsi, qarşıdakı zolağa çıxması və avtobusa çırpılması nəticəsində baş verib.
Hindistanın Baş naziri Narendra Modi itki ilə bağlı başsağlığı verib. O, həmçinin ölənlərin hər birinin ailəsinə 200.000 rupi (2200 dollar), yaralılara isə 50.000 rupi (556 dollar) təzminat ödəniləcəyini açıqlayıb.
Aysel Mətləb
