Fransa Ukraynaya qırıcı təyyarələr göndərəcək
NATO-nun Haaqa sammitindən əvvəl Fransa Ukrayna ilə əlavə "Mirage 2000-5F" qırıcı təyyarələrinin verilməsini və pilotsuz uçan aparatların birgə istehsalını müzakirə edib.
TodayPress TV xəbər verir ki, bu barədə "The National Interest" məlumat yayıb.
Ukraynaya göndərilən "Mirage 2000" qırıcıları Rusiyanın qanadlı raketləri və pilotsuz təyyarələrinə qarşı istifadə olunur. Rəsmi olaraq neçə təyyarə göndərildiyi açıqlanmasa da, Parisin Kiyevə təxminən 12–20 ədəd təyyarə verdiyi ehtimal olunur.
Prezident Emmanuel Makron və Ukrayna prezidenti Volodimir Zelenski arasında keçirilən son görüşlərdən sonra bu sayın daha da artacağı gözlənilir.
Türkan İsgəndərli
