Ər-Riyad: "İrana qarşı hərbi əməliyyatlarda iştirak etməyəcəyik"
Səudiyyə Ərəbistanı ərazisi və hava məkanının İslam Respublikasına hücumlar üçün istifadə olunmayacağına dair zəmanət verib.
TodayPress TV xəbər verir ki, bu barədə "Agence France-Presse" (AFP) məlumat yayıb.
Bildirilib ki, Ər-Riyad İrana birbaşa məlumat verərək, Tehrana qarşı hər hansı hərbi əməliyyatda iştirak etməyəcəyini, krallığın ərazisinin və hava məkanının bu məqsədlə istifadəsinə icazə verməyəcəyini bəyan edib.
Xatırladaq ki, bundan əvvəl Səudiyyə Ərəbistanı, Oman və Qətər ABŞ-yə İrana hücum etməmək barədə xəbərdarlıq edib.
Eyni zamanda, ABŞ Prezidenti Donald Tramp İranda yerləşən Ağ Ev müttəfiqlərinin və vətəndaşlarının respublikanı dərhal tərk etməli olduğunu bildirib.
Aysel Mətləb
