Əhməd Əl Şaraa Trampla görüşəcək
Suriya keçid dövrünün Prezidenti Əhməd Əl Şaraa noyabrın 10-da Ağ Evdə ABŞ Prezidenti Donald Trampla danışıqlar aparacaq.
TodayPress TV xəbər verir ki, bu barədə "The Guardian" məlumat yayıb.
Görüşün əsas mövzusu Suriyaya qarşı sanksiyaların tam ləğvi olacaq.
Bu, Suriya liderinin ölkəsinin 1946-cı ildə müstəqillik əldə etməsindən sonra ABŞ-a ilk rəsmi səfəridir. Əl Şaraanın məqsədi 2019-cu ildə qəbul edilən və Suriya hökumətinə, onun müttəfiqlərinə və bu ölkə ilə əməkdaşlıq edən şirkətlərə qarşı sanksiyaları nəzərdə tutan “Sezar Aktı”nın ləğvinə nail olmaqdır.
Noyabrın 7-də ABŞ hökuməti artıq Şaraanı sanksiya siyahısından çıxarmaq barədə qərar verib.
Türkan İsgəndərli
