Çin süni intellekt üzrə bakalavr proqramına start verdi

Pekin Normal Universiteti Çində ilk dəfə olaraq süni intellekt təhsili üzrə bakalavr proqramına start verib.

TodayPress TV "Xinhua"ya istinadən xəbər verir ki, proqram ibtidai və orta məktəblərdə süni intellekt fənninin tədrisi üçün ixtisaslı müəllim çatışmazlığını aradan qaldırmaq məqsədi daşıyır.

Proqram texniki bilikləri (generativ SI, maşın öyrənməsi, məlumat analizi) pedaqoji fənlərlə (kurikulum dizaynı, öyrənmə psixologiyası) birləşdirir.

Tələbələr “universitet–şirkət–məktəb” modeli ilə praktiki bacarıq qazanacaq. Məzunlar SI müəllimi, təhsil texnologiyası mütəxəssisi və siyasətçi kimi fəaliyyət göstərə biləcək.

Qiymət Mahir