Cəmi 3 il vaxtınız qaldı - İlon Mask sağ qalmaq üçün tövsiyə verdi
Milyarder iş adamı İlon Mask süni intellektin inkişafı ilə bağlı növbəti səs-küylü bəyanatını verib.
TodayPress TV xəbər verir ki, o, ənənəvi iş sisteminin sürətlə sıradan çıxdığını bildirib.
"İnsanların öz əməyini və zamanını sataraq dolana biləcəyi maksimum 3 il vaxtı qalıb. Bundan sonra süni intellekt əksər işləri tam avtomatlaşdıracaq və şirkətlər üçün iş saatına görə maaş ödəmək mənasını itirəcək",- Musk deyib.
O, bu gedişatı tarixin ən böyük sərvət yerdəyişməsi adlandırıb və xəbərdarlıq edib ki, indidən hərəkətə keçməyənlər üçün çox gec olacaq. O, növbəti 3 ildə vaxtı texnologiyanın əvəzləyə bilməyəcəyi aktivlərə – Bitkoin, torpaq, enerji resursları, faydalı insan əlaqələri və müstəqil istehsalat bacarığına yatırmağı məsləhət görüb.
"Sonda vacib olan nə qədər çox tər tökdüyünüz deyil, əlinizdə nəyin qaldığıdır. Bu addımı indidən atanlar 2035-2036-cı illərdə geriyə baxıb "mən hər şeyi qabaqcadan görmüşdüm" deyəcəklər", - deyə milyarder bildirib.
Jalə Rövşən
