Arxiyepiskop Baqratın həbs müddəti uzadıldı

İrəvan məhkəməsi “Müqəddəs Mübarizə” hərəkatının lideri olan arxiyepiskop Baqrat Qalstanyanın həbs müddətini daha üç ay uzadıb. 

TodayPress TV xəbər verir ki, bu barədə yerli KİV məlumat yayıb. 

Məhkəməni aparan hakim Karen Farhoyan hesab edir ki, arxiyepiskopun yenidən cinayət törətmə riski hələ də yüksək olaraq qalır.

Qeyd edək ki, iyunda İrəvan Ümumi Yurisdiksiya Məhkəməsi Baqrat Qalstanyanın iki ay müddətinə həbs edilməsi barədə qərar qəbul edib. Arxiyepiskop və onun tərəfdarları terror aktı törətmək və hakimiyyətin konstitusiyaya zidd yolla ələ keçirilməsinə cəhddə şübhəli bilinirlər.

Töhfə Səməd