Alyaskadan Rusiyaya doğru hava şarı buraxıldı

ABŞ ordusu “Arctic Edge 2025” hərbi təlimi çərçivəsində ölkənin Alyaska ştatından Rusiyaya doğru trayektoriya üzrə naməlum yük daşıyan isti hava şarı buraxıb. 

TodayPress TV xəbər verir ki, bu barədə “Anchorage Daily News” məlumat yayıb. 

Bildirilib ki, buraxılış avqustun 5-də baş tutub. Alyaskanın cənub-mərkəzi sakinləri həmin gün səmada iri ağ-gümüş rəngli şar müşahidə ediblər. Daha sonra məlum olub ki, bu, ABŞ-nin Şimal Komandanlığı və Şimali Amerika Aerokosmik Müdafiə Komandanlığının təşkil etdiyi hərbi təlimlərin bir hissəsidir. 

Qeyd edək ki, təlimlər Alyaskanın Nome, Kotsibu şəhərlərini və ABŞ-yə yaxın digər dəniz sərhədi bölgələrini əhatə edir. 

Aysel Mətləb