Almaniya XİN Putinə müraciət etdi

Almaniyanın xarici işlər naziri Yohann Vadeful bildirib ki, Rusiya lideri Vladimir Putin bütün dünyaya Ukraynadakı münaqişəni dayandırmağa hazır olduğunu nümayiş etdirməlidir. 

TodayPress TV xəbər verir ki, o, bu barədə Avropa İttifaqının (Aİ) xarici işlər nazirləri və ABŞ dövlət katibi Marko Rubio ilə danışıqlardan sonra “X” sosial şəbəkəsindəki səhifəsində yazıb. 

"Rusiya Prezidenti Vladimir Putin dünyaya sübut etməlidir ki, o, nəhayət, Ukraynaya qarşı müharibəni dayandırmağa hazırdır. Biz öz fikrimizdə həmrəyik. Ukraynaya təhlükəsizlik zəmanəti lazımdır. Rusiyaya təzyiqlər artırılmalıdır", - deyə Vadeful bildirib. 

Xatırladaq ki, bundan əvvəl Ukraynanın xarici işlər naziri Andrey Sibiqa Kiyevin istənilən yerdə və müxtəlif formatlarda danışıqlara hazır olduğunu bəyan edib. 

Aysel Mətləb