Aİ İsrailin diplomatları güllələməsini pislədi

Avropa İttifaqı İordaniya çayının qərb sahilindəki Cenin qaçqın düşərgəsinə səfər edən xarici diplomatlara atəş açan İsrail hərbçilərinin məsuliyyətə cəlb olunmasını tələb edib.

TodayPress TV xəbər verir ki, bu barədə Aİ-nin diplomatik xidmətinin rəhbəri Kaya Kallas Brüsseldə keçirilən mətbuat konfransında bildirib.

“Bəli, atəş açılıb. Xəbərdarlıq atəşi olsa belə, bu, diplomatlara yönəlib. Aİ bunu qəbuledilməz hesab edir və təhlükəsizliyə dair təhqiqatın aparılmasını, eləcə də məsul şəxslərin müəyyən olunmasını tələb edir".

O əlavə edib ki, İsrail Cenevrə Konvensiyasının iştirakçısıdır və bu konvensiyaya əsasən, diplomatların təhlükəsizliyini təmin etmək öhdəliyi daşıyır.

Türkan İsgəndərli