Aİ-dən çağırış: “ABŞ, İran və İsrail danışıqlara qayıtmalıdır”
Avropa İttifaqı tərəfləri gərginliyi azaltmağa və danışıqlar masasına qayıtmağa çağırır.
TodayPress TV xəbər verir ki, Aİ-nin diplomatik xidmətinin rəhbəri Kaya Kallas “X” sosial şəbəkəsində paylaşım edərək ABŞ, İran və İsrailə müraciət edib:
“Bütün tərəfləri vəziyyəti gərginləşdirməməyə və danışıqlar masasına qayıtmağa çağırıram. Daha böyük eskalasiyaya yol verilməməlidir”
Kallas qeyd edib ki, Yaxın Şərqdəki vəziyyət iyunun 23-də Lüksemburqda keçiriləcək Aİ xarici işlər nazirlərinin planlaşdırılmış görüşündə müzakirə olunacaq.
Aİ rəsmisi əlavə edib ki, İranın nüvə silahı əldə etməsinə icazə verilməməlidir, çünki bu, regional təhlükəsizlik üçün ciddi təhdid yaradar.
Qiymət Mahir
