ABŞ və Ukrayna Kiyevin NATO-ya üzvlüyünü müzakirə etdilər
Floridada danışıqlar zamanı ABŞ və Ukrayna nümayəndələri Kiyevin NATO-ya üzvlüyünə faktiki mane olacaq sülh nizamlanması ssenarisini müzakirə ediblər.
TodayPress TV xəbər verir ki, bu barədə "CNN" mənbələrə istinadən məlumat yayıb.
Bildirilib ki, Ukrayna faktiki olaraq NATO üzvləri və Rusiya tərəfindən birbaşa razılaşdırılmalı olan anlaşmalar vasitəsilə NATO-ya üzv ola bilməyəcək.
"Ukrayna rəsmi olaraq, hüquqi mənada, bu istəkdən əl çəkməyə məcbur edilməyəcək. Amma ABŞ Rusiya ilə ikitərəfli qaydada nə isə danışıqlar aparmaq istəsə və ya Rusiya NATO-dan hansısa çoxtərəfli zəmanət almaq istəsə, Ukrayna bu prosesdə iştirak etməyəcək", - deyə mənbə izah edib.
Aysel Mətləb
