ABŞ və Çin hərbi təmasları bərpa etdilər
ABŞ və Çin, Prezident Donald Tramp ilə Sədr Si Cinpinin Cənubi Koreyadakı görüşündən sonra hərbi əlaqə kanallarını bərpa ediblər.
TodayPress TV xəbər verir ki, bu barədə məlumatı Pentaqon rəhbəri Pit Heqset sosial şəbəkə hesabında paylaşıb.
Heqsetin sözlərinə görə, Çinin müdafiə naziri admiral Donq Tszyun ilə danışıqlar müsbət atmosferdə keçib. Tərəflər münaqişələrin qarşısını almaq və problemləri dialoq yolu ilə həll etmək üçün birbaşa əlaqə yaratmaqda razılığa gəliblər.
O həmçinin bildirib ki, gələcəkdə ABŞ və Çin hərbi nümayəndələri arasında əməkdaşlığı gücləndirmək məqsədilə yeni görüşlər keçiriləcək.
Türkan İsgəndərli
