ABŞ hərbi helikopteri təlim zamanı qəza etdi
Filippində fəlakətlərə cavab təlimi zamanı ABŞ-yə məxsus hərbi helikopter havaya qalxmağa çalışarkən beton maneəyə çırpılıb.
TodayPress TV xəbər verir ki, bu barədə "NBC News" məlumat yayıb.
Məlumata görə, təlim çərçivəsində təyyarə alternativ eniş zonası kimi müəyyən edilmiş yola eniş edib. Eniş Filippinin mülki, polis və hərbi qurumları ilə koordinasiyalı şəkildə həyata keçirilib.
Havaya qalxma zamanı təyyarə istiqamətini dəyişərək maneəyə dəyib. Qəzanın səbəbləri hazırda araşdırılır.
Bildirilib ki, göyərtədə beş nəfər olub və onların hamısı xəsarət alıb. Pilot və daha iki amerikalı hərbçi xəstəxanaya yerləşdirilib, digər iki hərbçiyə isə hadisə yerində tibbi yardım göstərilib.
Türkan İsgəndərli
