ABŞ-də hərbi təyyarə qəzaya uğradı
ABŞ-nin Oklahoma ştatında təlim uçuşunda iştirak edən Hərbi Hava Qüvvələrinə məxsus "OA-1K Skyraider II" təyyarəsi qəzaya uğrayıb.
TodayPress TV-nin məlumatına görə, qəza barədə ştatın Milli Qvardiyası "X" sosial şəbəkəsində bildirib.
Məlumata görə, hadisə zamanı təyyarədə iki nəfər olub.
"Bu gün səhər saatlarında Uill Rocers aerodromunda yerləşən 492-ci xüsusi əməliyyatlar qanadına məxsus təyyarə qəzaya uğrayıb. Təyyarədə iki heyət üzvü olub: biri mülki podratçı, digəri isə ABŞ Hərbi Hava Qüvvələrinin hərbi qulluqçusu", - açıqlamada deyilir.
Qeyd olunur ki, təyyarə və heyət üzvləri Oklahoma Milli Qvardiyasına məxsus deyil. Xəsarət alanlar barədə məlumat verilmir.
