ABŞ-də göyərtəsində 6 nəfərin olduğu təyyarə dənizə düşdü
ABŞ-nin Kaliforniya ştatında içərisində 6 nəfərin olduğu kiçik təyyarə dənizə düşüb.
TodayPress TV xəbər verir ki, Kaliforniyada 1970-ci ilin istehsalı olan “Cessna 414” tipli kiçik təyyarə uçuşdan 6 dəqiqə sonra dənizə düşüb.
Göyərtəsində 6 nəfərin olduğu təyyarənin düşdüyü yerdə dənizin dərinliyin təxminən 61 metr olduğu və axtarış-xilasetmə işlərinin davam etdiyi bildirilir.
ABŞ mətbuatında yer alan xəbərlərə görə, təyyarədə pilot, pilotun həyat yoldaşı, ata və üç oğlu da daxil olmaqla 6 nəfər olub.
San Dieqo Beynəlxalq Hava Limanından havaya qalxan təyyarənin Arizona ştatının Feniks şəhərinə getdiyi açıqlanıb.
