ABŞ bu ölkədən qoşunların qismən çıxarılmasını nəzərdən keçirir
ABŞ hərbi rəsmiləri qeyri-rəsmi danışıqlarda Almaniyadan Amerika qoşunlarının qismən çıxarılması məsələsinin nəzərdən keçirildiyini bildiriblər.
TodayPress TV xəbər verir ki, bu barədə mənbələrə istinadən The New York Times məlumat yayıb.
Məlumata görə, bu addım Berlinin İranla bağlı mövqeyinə cavab tədbiri kimi qiymətləndirilir.
Bildirilir ki, Almaniyanın ABŞ-nin İrana qarşı hərbi əməliyyatına dəstək verməkdən imtina etməsi Vaşinqtonda narazılıq doğurub.
Mənbələrin sözlərinə görə, Pentaqon daha əvvəl də Almaniyadakı hərbi mövcudluğun azaldılması ehtimalını nəzərdən keçirsə də, bu halda qərarın əsasən Almaniya hakimiyyətinin tənqidi mövqeyinə reaksiya vermək məqsədi daşıdığı qeyd olunur.
