Yerdə maqnit qasırğası başladı
Günəşdəki tac dəliklərinin təsiri nəticəsində Yerdə gözlənilməz dərəcədə güclü maqnit qasırğası başlayıb.
TodayPress TV xəbər verir ki, bu barədə Kosmik Tədqiqatlar İnstitutu məlumat yayıb.
Mütəxəssislər əvvəlcə fırtınanın "G1" səviyyəsində olacağını proqnozlaşdırsa da, hazırda fırtına daha güclü olub. Bu səviyyədə sonuncu oxşar hadisə 1-2 iyun tarixlərində baş verib.
Hesablamalara görə, geomaqnit fəallığın 4-6 gün davam edəcək. Lakin bu müddət ərzində fasilələrlə qasırğalar müşahidə oluna bilər. Tac dəliklərinin təsiri qeyri-sabit olduğu üçün maqnit partlayışları arada qısa sakitlik dövrləri ilə bir neçə dəfə baş verə bilər.
Türkan İsgəndərli
