Metroda doğulan uşağın vəziyyəti açıqlandı - RƏSMİ

09.08.2025 17:35 Cəmiyyət

08 avqust 2025-ci il tarixində Bakı Metropoliteninin "20 Yanvar" stansiyasında dünyaya gələn və Respublika Klinik Xəstəxanasına hospitalizasiya olunan yenidoğulmuşun səhhətində müsbət dinamika müşahidə olunur.

Bu barədə TƏBİB-dən TodayPress TV-yə verilən məlumata görə, Yenidoğulmuşların intensiv terapiya şöbəsində müalicəsi davam etdirilən körpə CPAP cihazından ayrılaraq maska oksigenlə tənəffüs dəstəyinə keçirilib.

Körpə ana südü ilə qidalanır, qidanı yaxşı həzm edir. Əlavə olaraq parenteral qida qəbul edir.

Ananın vəziyyəti isə stabil qiymətləndirilir. Zahı qadının müalicəsi Hamiləliyin patologiyası şöbəsində davam etdirilir.

Türkan İsgəndərli